काठमाडौ । सगरमाथाको चुचुरो पुग्न सफल भएका भोटखोलाका दुईजना आरोही दिपन गुरिङ र छियाङ ज्याबुलाई जेसी कपनले सम्मान गरेको गरेको छ ।

जेसिज कपनले विश्व वातावरण दिवसको अवसर पारेर आरोहीद्वयलाई सम्मान गरेको हो । भोट खोला-४ स्थायी घर भई अध्ययनको सिलसिलामा ७ वर्षदेखि काठमाडौ आएका दिपन गुरुङ जेसिजमा आवद्ध भै सगरमाथामा जेसिजको लोगो फरफराएका थिए । २४ वर्षीय गुरुङले २०२५ मे १४ मा आफ्नो संस्थाको लोगोलाई सफलताकासाथ सगरमाथाको चुचुरोमा फहराएको भन्दै जेसिज कपनले उनलाई सम्मान गरिएको हो ।

त्यसैगरी भोटखोला ३ हुङगुङ पाङ्दोकका छियाङ ज्याबुले पहिलोपटकमा नै सगरमाथा आरोहण गरेको बताए । भोटखोला लिङ्गमबाट एसईई उतिर्ण गरी तीन वर्ष अघि उच्च शिक्षा हासिल गर्न आएका उनले २३ मे २०२५ मा सगरमाथाको चुचुरोमा पाइला टेक्न सफल भएको जानकारी दिए ।

सम्मान कार्यक्रम जेसि कृष्ण सापकोटाको प्रमुख आतिथ्यमा सम्पन्न भएका थिए । जेसिजको लोगो सगरमाथाको चुचुरोमा पुर्‍याएर संस्थाको गरिमालाई थप उच्च बनाएको बताए । विषेश अतिथि बुढानिलकण्ठ नगरपालिका वडा नम्बर १० का वडा अध्यक्ष नवराज भट्टराईले आरोहणबाट युवालाई जेसिजले प्रेरित गरि नाम काम दाम हुने कुरालाई दिपन गुरुङ पात्रको रुपमा इङ्गित गरे ।

कपन जेसिजका अध्यक्ष छितेन लिङ्बोले युवाहरु विदेशी रहेको अवस्थामा शिखर आरोहण एउटा विकल्पको रुपमा रहेको बताए । कपन जेसिजले आगामी दिनमा प्राविधिक विषयमा आरोहण गर्नेहरुको लागि तालिम तथा प्रशिक्षण गरिने बताए ।