नमोबुद्ध नगरपालिकामा प्रथम वान भर्सेज वान फुल कन्ट्राक्ट कराते प्रतियोगिता सम्पन्न भएको छ ।हिजो शनिबार नरेफाट सेवा समाजका अध्यक्ष सार्किमान लामाको प्रमुख आतिथ्यतामा नमोबुद्ध नगरपालिका वडा नं ४ को कभर्ट हलमा प्रतियोगिता सञ्चालन भएको हो ।

प्रतियोगितामा यहि शाखाका खेलाडिहरु, काठमाडौं र ललितपुर जिल्लाका गरि ७४ जना खेलाडीहरुले प्रतिस्पर्धा गरेका थिए ।कार्यक्रममा खेलाडीहरुलाई मेडल र प्रमाणपत्र समेत वितरण गरेको थियो।

कार्यक्रममा खेलकुद विकास केन्द्रका अध्यक्ष कान्छामान तामाङ,नमोबुद्भ चेम्बर अफ कर्मसका अध्यक्ष विदुर वर्तौला,तामाङ पत्रकार संघ काभ्रेका जिल्ला सचिव अशोक बुद्ध लामा पुर्व खेलाडी तथा शिक्षक विष्णु न्यौपाने, प्रहरी मेडिकल टिम लगायत दर्शकहरुको उपस्थिति रहेको थियो ।